媽媽...

網誌: 媽媽... - agentbong

今次番黎幾日呀?呀媽接過我既背囊問道。

後日就要走啦,好多工作要做。

如果有時間咪住多幾日囉,忙既話就無辦法啦。

呢幾年黎,每次我番屋企,都會重覆呢幾句說話。我同呀媽都係比較內斂既人,唔太會將自己既感情講出黎。其實我心入面好明白,呀媽都係想我住多幾日,見多幾面,擔心我係出面過成點。

餐桌上擺滿左我中意食既野,一邊食住好耐無食過既野,一邊回答呀媽個d faq。唔知幾時開始,面對呀媽呢d問完又問既問題,無再發佢脾氣。跟住個兩日,成日都會聽到呀媽話,你幾時就要走啦,我準備左d野比你帶過去。

每次走既前一日,呀媽都會幫我執背囊,將佢d心意不斷塞落我既背囊,我每次番黎都唔會太多行李,望住面前呢個鼓脹既背囊。我無再責罵呢個彎腰幫手執拾既人,我好明白,當我背上呢個背囊個陣,大概會比而家更加重吧。

離開個日,呀媽送我去車站,手上又拎住一袋野。路上耳邊只有呢個年過半百既人對我的叮嚀。我接過呀媽手上既一袋野,上左車。下一次番黎,我唔知幾時,我唔知仲可以見到呢個慈祥既女人幾多次。坐在車上,我望住窗外,望住我即將離開既那熟悉的地方。此刻,真想為呢個操勞半生既人做一d事,而我係呢一刻,可以做既就係打開手機,輕輕地禁落隻熊度。

宅少

圖片: 互聯網

香港NO.1家居服務自助配對平台

立即下載,成為Agentbong用戶