不一樣的中秋

網誌: 不一樣的中秋 - agentbong

自從譚仔開學後,譚師奶就忙到頭都暈,深夜嗰套小芙蓉都唔得閒追。日日要煮飯洗衫吸塵丶對譚仔D功課... 宜家仲要擔心埋,佢會俾港鐵職員恰,管接管送,真係「養兒到一百,長憂九十九」。

好彩,就快到中秋,譚師奶一家三口,連埋隻狗,可以聚吓天倫,賞吓明月,享受一家人嘅時光。為咗教導譚仔中秋節唔一定淨係食月餅玩燈籠,我哋參加咗社區中心舉辦嘅,"中秋送暖"活動。目的去探訪一班獨居長者,同佢哋傾吓計,派吓月餅日用品俾佢哋,表達我哋嘅關懷。

其中一幕好令譚師奶動容... 由地下行上天台屋9樓,無電梯,完全靠腳力,已經唔好受;仲要樓梯通風好差,好焗,行幾步已經汗流浹背。上到天台嘅右邊,就見到陳婆婆獨居嘅150呎鐵皮屋。鐵皮屋夏天會吸熱,屋裡面會去到40幾度丶雨天會漏水;家倶、日用品全部都係撿破爛嘅,情況要幾壞有幾壞。



所謂比上不足,比下有餘。其實做人有咩所求吖,富貴榮祿都係過眼雲煙。譚師奶話總之一家人可以齊齊整整,鹹魚白菜也好好味。今天嘅中秋不一樣,有超級月亮之外; 仲因為識得珍惜當下。

但願人長久,千里共嬋娟!

譚師奶簡介: 全職家庭主婦,夢想環遊世界。利用做家務空餘時間,網上神遊世界,馳騁文學歷史。

香港NO.1家居服務自助配對平台

立即下載,成為Agentbong用戶